/ #廿一生活練習 016 from Jan Yip /



#見字同吓阿媽吹吓水

「媽呀,我見你衣櫃有好多閃閃珠片杉,後生有冇諗過做明星登台?」
「生咗你重諗依啲嘢呀」
「即係生我之前有諗過?」

最近多咗時間係屋企,我經常問媽類似問題。 以前我有種錯覺,媽媽一出世就已經係媽媽,識煮飯洗杉。 當我愈問得多,愈發現買餸並非佢嘅嗜好,成為媽媽亦唔係佢嘅夢想。 原來佢嘅刻板、嘮叨,都經過一些轉捩點。 唔問,可能一直誤會咗佢。

「得,媽,你啱,有道理!」

趁有時間,研究下媽媽啦,可能佢等咗好耐呢。

Jan Yip - Pinkoi SPACE HK 店長

\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/

「HYGINOVA X 林大力 - 廿一生活練習」

緣起:大家最近打一打開個Facebook,都有滿滿嘅負能量,而好多朋友都乖乖留係屋企,所有是是非非撈埋一齊都難免會令人感到焦慮。所以HYGINOVA聯同一眾好友,臨急臨忙搞咗一個小Project送比大家。HYGINOVA訪問咗21位朋友,訪問下佢哋係Stay Home嘅日子會做啲咩,又或者佢哋係Stay Home嘅日子學到啲咩而又想同大家分享下。

於是,我哋會連續21日,每日出一個Post,同大家分享呢21位朋友嘅想法。呢啲Post唔會Sell我哋產品,唔會有快閃Coupon Code,亦都唔會賣啲咩嘢,唔理有無人睇、有無人Like,我哋只係想做一條負能量分隔線,好純粹地想比啲好心情大家。