／ #廿一生活練習 012 from Vera ／#見字反思Stay Home and Reflect.Stay home呢段日子，令我審視番我生活上嘅優先次序。疫情前我總會將自己嘅schedule排到密密麻麻，好多合作、好多應酬、好多邀約，係疫情開始後呢啲活動同應酬一無哂，個人突然得閒咗好多，就令我有好大反思，就係我到底每當我答應人哋一個邀約時，我內心係咪真係想做呢？定係我純粹唔好意思、唔識拒絕呢？所以Stay home呢段日子教識咗我，我好應該為自己生活嘅日常細節排番到個優先次序，到底我邊啲係最想做？邊啲嘢其實係唔鐘意？自從反思番自己以往嘅習慣後，我依家嘅時間管理叻咗好多，輕鬆咗好多，做每一件事都好開心！Vera Lui - Sally's Toy 情趣用品店共同創辦人\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/「HYGINOVA X 林大力 - 廿一生活練習」緣起：大家最近打一打開個Facebook，都有滿滿嘅負能量，而好多朋友都乖乖留係屋企，所有是是非非撈埋一齊都難免會令人感到焦慮。所以HYGINOVA聯同一眾好友，臨急臨忙搞咗一個小Project送比大家。HYGINOVA訪問咗21位朋友，訪問下佢哋係Stay Home嘅日子會做啲咩，又或者佢哋係Stay Home嘅日子學到啲咩而又想同大家分享下。於是，我哋會連續21日，每日出一個Post，同大家分享呢21位朋友嘅想法。呢啲Post唔會Sell我哋產品，唔會有快閃Coupon Code，亦都唔會賣啲咩嘢，唔理有無人睇、有無人Like，我哋只係想做一條負能量分隔線，好純粹地想比啲好心情大家。